Maypig抱不平︰今次講reenex膠原自生海鮮價療程1萬變4萬!!!

利申Maypig唔係d咩BLOGGER又唔係d咩KOL,只係一個好懶又鐘意試新野既肥妹仔,我係唔抵得d美容公司周圍呃人先開個blog出黎happy sharing姐, 所以果d不知明既美容院呀, 美容中心呀, 咩醫學美容中心唔好再inbox我啦, 我係唔會收錢幫你地寫野既, save返d$教好d員工比好d服務我地呢d小市民就得啦!!

話說我一向皮膚都mamaday, 見100毛幫reenex谷行晒廣告又sammie又膠原bb又成, 咪登記下睇下呢間大公司係咪黑店囉! 重點係咩, 免費呀麻唔係唔試呀?我就睇下reenex點樣hard sell我, 叫我生膠原bb!

今次我就醒啦除左我去, 我仲帶埋呀強去(唔係黃子華果個呀強呀), 今次我就係要分享reenex, 係咪黑店自己爬文自己分析啦!!!!

好啦! 我地呢就上星期尾登記左尋日上去試做既,我同呀強各自上網登記, 登記完呢大家都會即時收到個msg話你登記左邊間邊日幾黠甘既(呢點要讚覺得幾好有效率)

同呀強係附近食d野就上去, 未上去之前同呀強咬左好耐我明明記得係57樓, 呀強死咬係59樓,我地再攞個msg出黎對, 原來大家係唔同樓層, 心諗唔緊要啦我身經百戰有冇人陪我都ok, 呀強就最叻扮窮!

就係甘我就同呀強分開左, 上到去一開門, 見到個班recep勁有禮貌打晒招呼, 問下我係咪登記, 又問要唔要去洗手間, 真係欣勤到你唔信, maypig我都見唔小靚女, 佢地真係個個對眼鬼死甘靚, 唔知以為上左去果d醫學美容中心, 以為reenex sell整容, 問下我飲唔飲野呀, 我諗住速戰速決啦咪話唔使囉, 叫我坐坐, 過多陣又有個睇落係清潔姐姐既女士勁好禮貌問我要唔要飲野, 真係好好!!

不過禮貌完一輪, 惡夢就黎, 你有無試過係茶記無間斷有人問你飲咩呀?

有禮貌姐, 大佬呀係咪dry坐雙計先, 好啦!!我屈服要左杯熱水, 由熱水變到凍水係需要33分鐘既時間!!!

係!!!一等就等左33分鐘!!!!!!! 你未得我就係下面食多半個鐘頭野唔係甘趕頭趕死啦!!!
當我想發火走既時候, 就有個recep黎同我了解皮膚, 填問卷之類, 又再等多成2,3個字就入房,

諗住算啦話晒都免費要等都正常既, 以為開始做啦, 原來係開始上堂......講解呀, 睇我皮膚呀, 再講膠原自生療程步驟呀, 再建議我做咩先呀做幾多次呀, 都真係好pro,
只係可能等得太耐,佢講咩我都唔係幾入耳,個人開始呆呆地, 就直接問佢甘依家係咪可以免費試做!!!

佢答我竟然係N O NO囉!!!!! 我等左將近成個鐘, 仲要同我上埋堂, 你話唔會比我試做因為我皮膚唔岩做, 你依家係咪呃我???? 甘你reenex就唔好周街宣傳免費啦!!!

到我走得打比呀強時, 原本佢一早已經走左, 都係用同樣理由同呀強講冇得試做, 因為佢講到自己窮到燶, 所以sell佢果個白衣女開左同樣既plan比佢不過佢就萬幾就可以join到啦!!!(呀強個plan仲多野送過我囉)

any肥平心而論, 唔計要我等成粒鐘唔計唔比我試做, 白衣女講解得幾好, 同埋一d都唔hardsell, 果一刻我係有心動過, 最後佢比左個價我4萬幾蚊, 我話考慮下佢都同我full個mask就放我走, 所以都ok啦，係最不滿佢地既海鮮價!!

「美容黑店踢爆組」踢爆reenex黑店內容 *5份滿分reenex黑sell指數 0reenex黑店指數 0
reenex服務指數 5reenex海鮮價指數 5 (有得比100分我都比100, 同一時間唔同樓層唔同sales1萬變4萬)

Maypig
Blog Sport Blog: http://maypigchu88.blogspot.hk/
Weshare Blog: http://www.weshare.hk/maypigUlifestyle Blog: http://blog.ulifestyle.com.hk/blogger/maypigchu/
Email: maypigchu@gmail.com